Siuariarnerit projektimi 2013

Paasissutissat inummut tunngasut pillugit inatsit Kalaallit Nunaanni atuutsinneqangajalerpoq

okt 22

Nutaarsiassat 5

ERP pillugu suliniut (Pisariilisaaneq) inatsisit killissarititaasa iluanni suliarineqassaaq aamma ”Inatsisitigut Pissutsit” pillugit immikkut suliniummi 1.1.0-imi pineqartoq tassaavoq tamatuma qanoq iliuuseqarfigineqarnissaanik nalilersuineq. Taakkua saniatigut allanik inatsiseqarpoq arlalinnik malinneqartussanik, suliniummittaaq pineqarpoq inatsisitigut ”aporfissat” ERP pillugu suliniuteqarnermi eqqarsaatigineqartussat siumut nalunnginneqareersimanissaat. Aammattaaq ”Inatsisitigut Pissutsit” inatsisiliornermi nipilersoqataalluinnarput. Paasissutissat inummut tunngasut pillugit inatsit inatsisaavoq mianernartoq, Kalaallit Nunaanni paasissutissanik inummut tunngasunik ingerlatsinermut maleruagassanik allanngortitsilluinnartussaq. Inatsimmi tunngavissat iliuusissallu kommunimi Namminersorlutillu Oqartussani pisortatigoortumik soqutigisaqaqatigiinnut tamanut saqqummiunneqassaaq, tassa paasititsiniaalluni tusarniaanissamut pitsaasumik tunngavissinneqarnissaa, nunatsinnilu pissutsinut naleqqussarneqarnissaanik pisariaqartitsineq kingusinnerusukkut nalilersorluarneqarnissaa anguniarlugit. Aammattaaq ”Inatsisitigut Pissutsit” nammineq tusarniaanermut akissuteqassaaq, ERP pillugu suliniummi anguniakkat eqqarsaatigalugit inatsimmut allannguutaasinnaasunik inassuteqaatitalimmik.


2012-imi killiffik – Pisariillisaaneq pillugu suliniut

jan 14

ERP-mi allattoqarfiup 2012-imi suleqatigiinneq qujassuteqarfigissavaa 2013-imilu kikkut tamarmik aallartilluarsimanissaannik kissaallugit. Suleqatigiilluarnitta 2013-imi nanginnissaa neriuutigaarput Pisariillisaaneq-up anguniagaani oqaatsit uku eqqarsaatiginerullugit: “…aqunneqarneq pinnagu aqutsineq pisariillisarniarlugu.”

2012-imi killiffik matumani naatsumik saqqummiunneqassaaq. Pisariillsiaaneq pillugu suliniut annerusumik paasisaqarfigerusukkukku allattoqarfik saaffigiinnarsinnaavat (taanna pillugu attavissat qulaani takukkit) imaluunniit suliniut pillugu paasissutissat kalaallisut/qallunaatut nittartagaa nittaartagaq Sullissivik. aqqutigalugu takuuk. Suliassaqarfiit assigiinngitsut suliarisartakkavut tassani atuarsinnaavatit, suliniummi assersuusiaq kiisalu suliassaqarfiup aaqqissuussaanera ilanngullugu eqqarsaatigalugu.

 

Misissueqqaarneq naammassivoq – misissueqqissaarnerlu aallartisimallualereerluni

Misissueqqissaarneq 2012-imi upernaakkut naammassivoq. Tamatuma kingorna aalajangiunneqarpoq pisortat suliffeqarfiini aaningaasaqarnermi aqutsinermi pisortaasullu pillugit paasissutissanut tunngatillugit pisortat ataatsimoorlutik pisariaqartitaat, kissaataat kiisalu tulleriiaarineq pillugit misissueqqissaarnissaq pisortanit ataatsimoorunneqassasoq.

 

Aningaasanik aqutsineq

Namminersorlutik Oqartussani kommunenilu aningaasaqarnermik aqutsinermi aqutsinermilu paasissutissat pillugit inaarutaasumik suliaqarneq oktoberimi aallartinneqarpoq tak. suliniut pillugu pilersaarut. Pisortat ataatsimoortumik kontui pillugit pilersaarusiortoqarpoq, aningaasaqarnitta aqunneqarnerani eqqortunik sinaakkutassaqarnerput tassani qulakkeerniarneqarluni. Uani pingaarnertut eqqaaneqartussat tassaapput sulianik aallaaveqarluni aningaasaqarnermik aqutsinerup iluani anguniakkat sinaakkusiussallu aqunnissaat.

Aningaasaqarnermut tunngasuni ingerlatsisarneq pillugu ataatsimoortumik sullissisarneq pilersinniarneqarpoq, taamaalilluni tamakku siunissami qanoq ikorfartorneqarnissaat ilisimalluarnerulerniassagatsigu. Tassani suliami ingerlatsiviit assigiinngitsut sullissisarnerisa assigeequtaat assigiinngeqtutaallu ersarissivoq. Ingerlatsiviit maanna takusinnaalereerpaat suut piorsarnerusariaqarnersut taamaaliornikkullu nalileqarnerusumik angusaqarsinnaalerluni.

 

Pisussat tulliuttut pingaarutillit tassaalerput:

Marts 2013: Kommuneni Namminersorlutillu Oqartussani aningaasaqarnermut ingerlatsiviit iluini suliaqartarnerit annertussusaasa kiisalu suunerisa paasiniarnissaat taamaaleerpallu sullissinermi ataatsimut malitassamik pilersitsineq.

August 2013: Immikkoortup 2-p assigiinngitsunik aningaasartuutit pillugit periarfissallip aalajangerfiginissaanut tunngavissiorniarluni aallartisaaneq. Aalajangiisussanut aalajangiinissamik siunnersuuteqarneq.

Pisussat taakku marluk iluatsissapapta atuisut peqataatinneqarluinnarnissaat pingaaruteqarpoq.

 

Naammassisassat pillugit suliniutit

Immikkoortup 1-p juunimi 2012-imi aallartinneqartumi qaammatinilu siullerni tallimani makku naammassisassat sammineqarsimapput: Inunnut ataasiakkaanut paasissutissat pillugit inatsit, Naalagaafimmi nalunaarsuiffiit Nationale Registre (CPE aamma GER) Enterprise Arkitektur kiisalu IT pillugu sinaakkusiussat. Naammassisassat taakku pillugit misissueqqissaarnerit ingerlallualereerput IKT-lu pillugu suliniut suleqatigilluinnarlugu ataqatigiissarneqarlutik taamaasiornikkullu tamanut sunniulluarnissaa qulakkeerniarneqarluni. 2013-imi inernerit tassaassapput pitsaasumik oqallilluarnerit makku pillugit: Inunnut ataasiakkaanut paasissutissat pillugit inatsit, CPR-ip GER-illu nutarternissaannut suliniutissat imminnut akilersinnaasut, Enterprise Arkitektur pinngoriartortup aqataqatigiissaarinissaa aqqutissiuinissaalu kiisalu IT pillugu sinaakkutissat pitsaasut.

 

Inuttaqarneq aaqqissuussaanerlu

Suliniutinut allattoqarfik quligiluanik sulisoqarpoq taakkulu pisortat suliffeqarfiini assigiinngitsunit tunuliaqutaqarlutik. Amerlanerit aalaakkaasumik sulisuupput sulisullu ataasiakkaat allanik suliaqarlutik ullup affaani ikiortaasarlutik. Taakku avataasigut suleqatit allat suliniummi eqimattakkuutaani assigiinngitsuni ilaasut suliaat iluaqutigilluarpavut. Sulisut katillugit 40-t missaanniittut aqutsisooqatigiinnit, sullisseqatigiinnit, isumalluutinit suliaqartunit pitsaassutsimillu qulakkeerinninnissamik suliaqartut pikkorissut suliniummi peqataapput. Taakku saniatigut inuit suleqativut suleqatigisavulluunniit suliniummut arlaatigut attuumassuteqartut 150-it sinneqarput. Aaqqissuussaaneq eqqarsaatigalugu suliniutinut allattoqarfik immikkoortutut Aningaasaqarnermut Naalakkersuisoqarfiup ataaniippoq Namminersorlutillu Oqartussani IT-mi allattoqarfimmi sulisut pikkorissut allaffimmioqatigalutigit.

 

Kommunit, KANUKOKA-p Namminersorlutillu Oqartussat akornanni suleqatigiinneq inerititaqarluartoq

Kommunit, KANUKOKA-p Namminersorlutillu Oqartussat akornanni suleqatigiinneq inerititaqarluarpoq. Namminersorlutik Oqartussani kommuninilu aqutsisunit assigiinngitsunit peqataatitaqartunit suleqatigiisitaliornikkut Pisariillisaaneq pillugu suliniut siammasissumik atugaalernissaa qulakkeerneqassaaq. Suleqatigiisitani assigiinngitsuni oqallilluartqoartarpoq. Oqallikkusussutsillu ersersippai suliamut tunniusimaneq allannguerusunnerlu. Taamatut piumassuseqarneq naliitsuuvoq. Suleqatigiinneq taamaammat unamminartoqanngitsuunngilaq, aaqqissuussaanittali akornanni arriitsumik qanilliartulissaagut. Immitsinnut eqqarsaatiginerulluta maanna suleriaaseqarnerulerpugut suliassattalu suuneri illuatungeriilluta paasiartuaarnerulerlugit. Eqqarsartariaatsip “Taakku/uagullu” pinngitsoortinnissaa iliuuseqarfigalugu sulissutigaarput. Ataatsimulli pisortani aqutsinermi akisussaaffinnik ersarissumik agguataarneqartumik ingerlatsinissarput pingaartipparput. Pisariillisaaneq pillugu suliniut allannguiniarnermik suliniutaavoq pisortani sulisunut oqilisaataasussaq.

Immikkoortumi tassani missingersuutit eqqarsaatigalugit pingajorarterutaannik kommunit tapiissapput. KANOKUKA peqatigalugu ataavartumik naligiissaarisoqartassaaq kommunit aallartitaannit aqutsisooqatigiit kommunenilu soqutigisaqaqatigiinnit allartitalinnit naligiissaarinermi suliarinnittoqartassalluni. Immikkoortumi 1-mi suleqatigiinnerup naammassinerani suleqatigiinneq pillugu illuatungeriit nalilersuissasut isumaqatigiissutaavoq. Immikkoortup 1-p avataatigut allamik kommunit imminnut suli pituttuuteqanngillat.

ERP-mi allattoqarfik isumasioqatigiinnernut ataatsimiinnernullu isumaginnittuusinnaavoq. Missingersuutit Naatsorsuutillu pillugit Siunnersusoqatigiinni 2012-imi isumasioqatigiinnermi, KANUKOKA-mi siulersuisut IT pillugu isumasioqatigiinneranni, ulloq unnuarlu paaqqinnittarfinni pisortat isumasioqatigiinneranni kiisalu missingersuutit pillugit suleqatigiinnissamik isumaqatigiissusiornissaq pillugu isumasioqatigiinnermi peqataavugut. Taakkunannga aqutsisunit politikkikkullu pingaarnersiunerit tusaaniarnerinisa saniatigut suliniutip sumut killinnera paasissutissiissutigiitigaarput, taamaalilluta ataatsimoorluta sulinitsinnut pisariaqartitatsinnut tunngavissiiniarnissamut peqalerluta – killormuunngitsoq. Better together.

Aqutsisooqatigiit allattoqarfillu sinnerlugit tamassi juullisiorluarnissassinnik ukiortaamullu iserluarnissassinnik kissaapaptsigit.



Peter Hansen, aqutsisooqatigiit siulittaasuat

Martha Labansen, Lisbeth Møller Jensen, Allan Hjorth, Asbjørn Andersen

Anders Hoffgaard, suliniummi aqutsisoq


Jan 15

Isumasioqatigiinnerup decemberip 5-iani 6-ianilu ingerlanneqartup nalilersornera inar d. 5. og 6. december

– kommuneni aningaasaqarnikkut aalajangiisarneq

Juullinngitsiartoq ERP-p allattoqarfiata aaqqissugaanik Nuummi isumasioqatigiinnermi peqataavunga. Kommunit sisamat aningaasaqarnermut aqutsisoqarfiannit peqataatitaqarput. Uanga Qaasuitsup Kommunia sinnerlugu peqataavunga, Kim Rosendahl Kommune Kujallermit kiisalu John Kreutzmann Kommuneqarfik Sermersooq sinnerlugit peqataapput. Qeqqata Kommunia ajoraluartumik peqataatitaqarsinnaasimanngilaq.

Jan Bredgaard aamma Tine Dahl Mortensen isumasioqatigiinnermi aqutsisuupput, taakkulu aningaasaqarneq pillugu suliniutini aqutsisuullutik.

ERP-mi pilersaarummi misissorneqarpoq kommuneni kiisalu Namminersorlutik Oqartussani aningaasaqarneq pillugu qanoq aalajangiisoqartarnersoq. Kommuneni Namminersorlutillu Oqartussani aningaasaqarneq pillugu sulinermi qarasaasiat atorneqartut qanoq ingerlaneri aamma missorneqarput. ERP pillugu pilersaarutip kommunenit Namminersorlutillu Oqartussanit ingerlatiinnarnissaanut augustimi 2013-imi aalajangernissaannut misissuineq tunngaviliissaaq.

Aalajangernissamut pitsaasumik tunngavissiisoqassappat kommunet Namminersorluillu Oqartussat ulluinnarni unamminartitaat pillugit isertuaatsumik saqqummiunneqarnissaat pingaaruteqarpoq. Unamminartitat uani pineqartut tassaapput sulinerup aaqqissuussaaneranut kiisalu qarasaasiat maanna atorneqartunut tunngasut.

Suliassavut suliarilluassagutsigit ilisimasatsinnik ammasumik avitseqatigiinnissarput pisariaqarpoq. Ataatsimoortumik aaqqiinissamut suliniartoqarnissaanut tunngavissaqarnersoq misissussagaanni ammaffigeqatigiittariaqarpoq.

Kommunit ulluinnarni sorpassuit aqqusaartarpaat. Aalajangiisarnerit amerlasuut assigiinngitsorpassuartigut imminnut ataneqartarput. Ulluinnarni suleriaatsit paatsiveqartinniarlugit aalajangiisartut assigiinnguitsunut isumasioqatigiinnermi eqimattakkuutaartillugit misilipparput.

 

Isumasioqatigiinneq taamaammat pingasunik siunertaqarpoq:

- Kommuneni aningaasaqarneq pillugu aalajangiisarnerit paasissallugit

- Aalajangiisarnerit amerlassusaat suullu pitsanngorsaavigineqarsinnaanersut paasissallugit

- Aalajangiinerit kingorna misissorneqartussat paasiniassallugit (soorlu aqutsiviit allat oqaloqatigisarnerisigut)

 

Kommuneni aningaasatigut aalajangiisarnerit pillugit isumasioqatigiinnermi saqqummiunneqarput. Suleriaatsinili kikkut sunik suliaqartarnersut itisilerlugit misissoqqissaanngilarput. Sulinitta aaqqissuussaanera qarasaasiallu sammivavut. Tassa imaappoq misissueqqissaarnermi pitsanngorsaatissatut siunnersuutit qaqilerneqartut qarasaasiamut tunngasuinnaanngillat, kisiannili aamma pitsanngorsaanerit aalajangiisarnermi aaqqissuussaanerullu nalimmassarneranit pitsanngorsaatissatut tunngasuullutik.

Tamatta immikkut suliassaqarfitsinni sukumiisumik saqqummiisussaavugut. Kommuneni aningaasaqarnikkut aalajangiisarnerput pillugu aamma assigiinngitsumik suliassamik suliarinnittarnerput oqallitsitsigaatsiarpoq. Ataatsimoorluta 100-t sinnerlugit aalajangiisarnivut pillugit saqqummiivugut. Aalajangiisarnerit siullertut ataatsimoortumik nalilersorneqarput, tassanilu erserluni suleriaatsit suut pitsanngorsarneqarsinnaanersut.

Tamatuma kingorna aalajangiisarnerni suleriaatsit 15-it toqqarneqarput. Aalajangiisarnerni suleriaatsit taakku 15-it misissorneqarput tassanilu ersarissilluni sumi pitsanngorsaasoqarsinnaanersoq. Tassani ersarissivoq pitsanngorsaanerup qanoq iluaqutaatigisinnaanera, pitsanngorsaanissamilu eqqartorneqarpoq tamanna aaqqissuussaanermi, suleriaatsimi periaatsinilluunniit tamanna pissanersoq.

Aalajangiiniarnermi suleriaatsit sinneri pillugit paasiniarluarnissaat pillugit ERP-mi allattoqarfik suleqatigalugu suliniartoqassaaq.

Ulluni marlunni isumasioqatigiinneq uannut pissarsiaqarnaqaaq. Kommunenit aallartitat paasissutissiissutaat atorluarsinnaasorujussuuakka. Ilisimasatsinnik avitseqatigiittarnissatsinnut akulikinnerusumik naapeqatigiittarnissarput pisariaqartoq isumaqatigiissutigaarput. Isumasioqatigiinnitsinni unammitartuutitavut kisiisa paasisaqarfiginngilavut. Aammali paasivarput maani Qaasuitsup Kommuniani ajornartorsiutigisartakkatta assiginik kommunit allat aamma peqartartut. Assigiimmik ajornartorsiutitta ataatsimoorluta anigorniarnissaannik suleqatigiinnissatsinnik neriulersitsivoq. Ajornartorsiutit tunngavii suusinnaanerinik isumasioqatigiinnermi takusinnaalerpakka, qanorlu ingerlariaqqittoqassanersoq maanna pissanngatingaara. Taamaattumik ERP-mik pilersaarutip innuttaasunut pitsaanerusumik sullissilersinnaanerput pitsanngortissagaa neriunartoqartippara.

Peqataanerput ilisimasatsinnillu avitsinerput pillugu ERP-mi allattoqarfimmit iluarisimaarneqarluni oqaatigineqarpoq. Taamaammat tamatta isumaqatigiippugut isumaqasioqatigeeqqittariarluta, tamanna tamanut pitsaasuussammat, neriunartumillu immaqa 2013-p aallartisimalaalernerani.

 

Inussiarnersumik inuulluaqqusillunga

Ane Hjøllund Møller

Naatsorsuuserinermi pisortaq

Qaasuitsup Kommunia

 


UML atorlugu ingerlatsineq pillugu pikkorissarneq

feb 22

ERP-mut Allattoqarfik, Sulisunik Piginnaanngorsaanermut Immikkoortortaqarfik aamma KANUKOKA suleqatigalugit januaarip qaammataani pingasoriarluni UML atorlugu ingerlatsineq pillugu pikkorissartitsinerit ingerlanneqarsimapput. Pikkorissartitsisoq Peter Bjerregaard ilaatigut Teknologisk Institutimi siunnersortaanertut, Oxygen A/S-imi pisortaanertut kingullerpaamillu Nordeami suliamik aqutsisutut annertuumik misilittagaqarpoq. Peter Bjerregård siusinnerusukkut UML atorlugu ingerlatsineq pillugu pikkorissartitsineq ingerlatereersimavaa, taammaatumillu kalaallinut tulluussarlugu ingerlanissaa paasisimasaqarfigilluarlugu.

Pikkorissarnermi peqataasut 13-iusut ERP-mut Allattoqarfimmeersuupput, IT-mut Allattoqarfimmeersuupput, Nutserisoqarfimmeersuupput, Nukissiorfinneersuupput, Kalaallit Nunaanni Aalisarsinnaanermut Allagartanik Nakkutilliisoqarfimmeersuupput, Uummannami Aasiannilu Innuttaasunik Sullissivimmeersuupput Qaasuitsullu Kommuniani Aningaasaqarnermut Ingerlatsivimmeersuullutik.

Ingerlatsinermik ersarissaaneq pingaarnertut suliffeqarfiup ingerlatsinerminut assigiinngiiaartorpassuarnut suleriaasianullu ersersitsiniutissaatut atortorissaarutaasussaavoq. Pikkorissartitsinermi suleriaatsit pisut qanoq oqaluttuarineqarsinnaanersut titartaganngorlugit Use Case diagrammitut, Aktivtetsdiagrammitut Klassediagrammitullu takussutissiarineqarsinnaanerannut atortussat tunniunneqarput. Tamatuma kingorna Tamatuma kingorna sulinermi ingerlariaatsit nutaami ataqatigiissarneqarnissaat ilinniartitsissutigineqarpoq, tassani apeqqutaatinnagu top-down, bottom-up imaluunniit outside-in misilittakkanik avataaneersut pigisaannik ilanngussineq ilanngussinnginnerluunniit. Naggasiullugu siunissami suleriaatsit ingerlanneqarnissaat pillugu (to-be) assigiinngitsut aqqutigalugit pikkorissaatigineqarput.

Pikkorissarneq peqataasunut pissarsiffioqaaq, taakkualu pikkorissareerlutik maanna atortooreersut saniatigut ingerlariaatsimut atugassaminnik nutaanik peqarlutik kiisalu nutaamik eqqarsariaaseqarlutik suliffeqarfiup ingerlatseriaasianut suleriaasianullu qanoq isillutik ersarissumik takussutissiisarnissartik nassarlugu pikkorissarnerminnik naammassillutik angerlarput.

Peter Bjerregaardip ullup suliffiup kingorna soraarnermi isumasioqatigiissitsinermi assersuutit pingasut suliffeqarfiup annertuup sannaanut, ineriartortinneranut ingerlatsinerullu annertunerpaaffigisinnasaanut assersuutit suliassaqarfiit akimorlugit suleqatigiissinnaanermut tunngassuteqartut takutissimavai. Assersuutit pingaaruteqartut saqqummiunneqartut ilagisimavaat, aaqqissuussaanermi suliassaqarfiit akimorlugit suleqatigiinnermi sunniuteqarluarnissaq, tassani qaammatit sisamat ingerlaneranni suliffeqarfimmi suliassaqarfiit akimorlugit 500 mio. kr.-it sipaarutigineqarsinnaanerat takutinneqarpoq.


Kommunit aningaasaqarnermut tunngatillugu suleriaasiinut ataatsimut sullissinermut najoqqutassaq

mar 27

Naatsorsuuserinermut akisussaasut Qaasuitsup Kommunianeersut, Kommune Kujallermeersut aamma Kommuneqarfik Sermersuumeersut kommunini aningaasaqarnermut tunngatillugu suleriaatsinik pissarsinarluartumik isumasioqatigiisseqqinneqaqqammerput.

December 2012-imi isumasioqatigiinnermi siullermi pingaarnertut siunertaavoq kommunini immikkut ilisimasallit kommunit aningaasaqarnermut tunngatillugu suleriaasiinik paasiniaasinneqarnermut atorneqassasut. Paasinarsivortaaq peqataasut katersuutsinneqarnerat ilisimasaminnillu avitseqatigiinnerat arlamillu misilittagaannik ilikkagaqarnerat pitsaalluinnartuusoq. Taamaalilluni ERP-mik suliniummi suliassat tulliuttut ingerlateqqinneqarnissaat annertuumik soqutigineqarpoq, kommunit sinniisaasa suli allamik isumasioqatigiinnermut katersuutseqqinneqarnerisigut.

Isumasioqatigiinnermi tassani pingaartumik sammineqarpoq aningaasaqarnermut tunngatillugu suleriaatsit ataasiakkaat pulaffigineqarnissaat. Sulinerup aaqqissuussaanerat, suleriaatsip aamma qanoq Winformatikip kommunini aningaasaqarnermut tunngatillugu suleriaatsit iluaqusersornerai sammineqarput, siunertaralugu pisariaqartitat, kissaatigisat pitsanngoriaatissanullu sulleriiaarinerit suussusersineqarnissaat.

Isumasioqatigiinnertigut marluusutigut angusat suliarineqalerpata tamatuma inernerissavaa sullissinermut najoqqutassaqalerneq. Sullissinermut najoqqutsaasami tassani saqqummiunneqassapput:

Aningaasaqarnermut tunngatillugu suleriaatsinik kommunini suliarineqartartunik takussutissaq.

- Suleriaatsinik annertuumik annikinnerusumilluunniit pitsanngorsaanissamut pingaarutilinnik takussutissaq.

- Aaqqissuussaanermut, suleriaatsinut imaluunniit periaatsinut tunngatillugu allanngortitsinertigut pingaarutillit anguneqarsinnaanerannik takussutissaq.

Tamanna isumaqarpoq kommunit naliliisarluni misissuisimaneq tunngavigalugu maannakkuuliinnartoq suliassanik aningaasaqarnermut tunngatillugu suleriaatsinik suliaqarnerminnut pitsanngorsaataasinnaasunik aallartitsisinnaanngornerannik. Peqatigitillugu naliliisarluni misissuisimanerup erseqqissisissavaa nutaamik pisortat ataatsimoorussaannik aningaasaqarnermut periaaseqarnerup piviusunngortinneqarneratigut kommunit sunik periarfissaqarnersut.