Siuariarnerit projektimi 2012

Misissueqqissaarnerup naammassineqarnera

JUL 17

Suliniummut Pisariillisaaneq-mut (ERP) tunngatillugu misissueqqissaarneq ungasin-ngitsukkut naammassissaaq, ”immikkoortullu aappaata aallarnisarneqarnissaanut aalajangiiffigisassatut tunngavissat” aggustusip qaammataata qeqqani tunniunne-qarnissaat ”naatsorsuutigineqarpoq”. Tamatuma kingorna aalajangiinissamut tun-ngavissiaq tusarniaassutigineqassaaq pilersaarutillu naapertorlugit tusarniaanermut ulloq 20. september 2013 killigitinneqassaaq. Assigiimmik paasinninnerup kiisalu ingerlaqqinnissap qulakkeerneqarnissaa pillugit, Pisariillisaanermut Allattoqarfiup tusarniaanerup ingerlanissaanut atatillugu pisortat aggustip qaammataani ataatsimut isumasioqatigiinnissaat pilersaarusiorsimavaa. Qaaqqusissutit kommunaldirektørinut, kommunini aningaasaqarnermut pisortanut, aningaasaqarnermi fagchefinut, Ani-ngaasaqarnermut Sulisoqarnermullu Aqutsisoqarfimmi aqutsisunut aalajangersima-sunut, Akileraartarnermut Aqutsisoqarfimmut, Namminersornerullutik Oqartussani Aningaasaqarnermut Naalakkersuisoqarfimmut Peqqissutsimullu Aqutsisoqarfimmut nassiunneqarsimapput. Suliniutip Pisariillisaaneq-rup inerneri inassuteqaatillu misis-sueqqissaarnermut tunngassuteqartut, aalajangiinissamilu aallaaviusussat saqqum-miunneqarnissaat pilersaarutigineqarput. Pilersaarummi ilaatigut makkua pillugit saqqummiussisoqarlunilu oqallittoqassaaq:

- Aningaasaqarnermut systemip nutaap avammut neqeroortussarsiornissaanut atuutilersinneqarnissaanullu kiisalu aningaasaqarnermut systemiulersussaa-gunartup takutinneqarnissaanut pilersaarut.

- Pisortat ataatsimoorussamik kontumut pilersaarutissaata ilusissaa nutaaq

- Aningaasaqarnermut Sulisoqarnermullu Aqutsisoqarfimmi paasissutissat aningaasarsianut sulisunullu tunngassuteqartut

Angusaqarluarfiusussamik isumasioqatigiinnissamut qilanaarpugut, tassanilu tusar-niaanerup aallartinneqannginnerani paaseqatigiissutissatsinnik pilersitsinissarput neriuutigaarput.


Winformatik pillugu misissueqqissaarnermik nalunaarusiaq

JUL 8 

Suliniummut ERP-mut atatillugu maanna Winformatik, kommunit naatsorsuuserinermut sulianillu suliarinninnermut systemiat, pillugu misissueqqissaarnermit nalunaarusiaq suliarineqarsimalerpoq. Nalunaarusiaq Torben Porsgaardimit, namminersortutut qarasaasialerinermi siunnersortitsinnit, suliarineqarsimavoq. Nalunaarusiami siunertarineqarsimanngilaq, Winformatikkip suna piginnaasarineraa. Siunertarineqartoq tassaasimavoq systemip iluani avataani attuumassutigisarpassuisa uppernarsaasersornissai nassuiaasersornissaalu. Nalunaarusiaq danskisooq suliniutip ERP-p internetikkut nittartagaaniippoq.

Kommunit pisariaqartitaat immikkut ittut aaqqiissuteqarfiginiarlugit Winformatik modulerpassuarnut agguataarneqarsimarpasillunilu piffissap sivisuup ingerlanerani tulluussarneqarpasippoq. Taassuma saniatigut sulinermi eqaatsumik suleriuseqarnissaq siunertaralugu modulit imminnut katiterneqarsimapput. Taamatut eqaatsumik suleriuseqarneq Winformatikkip sanngiissutigalugulu nukittoqatigaa. Atuisunut systemimik ilisimannilluartunut tamanna nukittoqutaavoq. Sanngeequtaavoq systemip aserfallatsaaliornissaanut ineriartortinnissaanullu atatillugu, systemi innarlerneqarniaannaammat.

Winformatikkip immikkoortuisa amerlanersaasa kodii ukiuni kingullerni allanngortinneqarsimapput, taamaasilluni systemi ullutsinni oqaatsit atorneqartut atorlugit aaqqissuussaasimalluni.

Winformatik kommuninit pigineqarpoq kommunillu siunissami ineriartornissap qanoq ingerlanissaa aalajangerutssaavaat. Ingerlatsinermut aningaasartuutit saniatigut ullumikkut ukiut tamaasa ineriartortitsinermut 9 mio. kruunit missaannik aningaasaliissuteqartoqartarpoq.


Namminersorlutik Oqartussat aningaasaqarnermik ingerlatsinerat qanoq ippa?

JUN 19

- Torrallataanerusumik arlaatigut iliuuseqartoqarsinnaava – aamma qanoq pisoqartariaqarpa?

- Kommunit aningaasaqarnerminnut atatillugu suleriaasiat pillugu suleqatiginerisigut pitsannguutaasinnaasut sunniutaasinnaasullu suut angussavavut?

- Aningaasaqarnermik aaqqissuussineq nutaaq atuutsilerniarlugu arlaatigut iliuuseqartinnata qanoq suleriaaseqarnerput pillugu allatut eqqarsaqqaartarnissarput suliaqarfinnut immikkut ittunut tunngatillugu isummamut naapertuuppa?

- Suliniutit minnerpaat atorlugit – annertunerpaamik iluanaaruteqarnissaq qanoq angusinnaavarput?

Apeqqutit taakkua upernaap ingerlanerani ERP-mik suliniuteqarnermi qitiutillugit sammivagut.

Ukiup affaata kingulliup ingerlanerani ERP-mik suliniuteqartut aningaasaqarnermik suliaqartut suleqatigalugit aningaasaqarnermut tunngatillugu suleriaatsit ingerlatsinerillu tamakkiisumik takusinnaalerumallugit naalakkersuioqarfiit tamaasa pulaarpaat. Ingerlatsinerit katillugit 279-it suussusersineqarput. Ilusiliami ataaniittumi takuneqarsinnaasutut, arlalippassuit qujanartumik oqaatigaat ullumikkut pitsaalluinnartumik ingerlatsisoqartoq, taamalu pitsanngorsarneqarsinnaasut annikitsuinnaallutik (imaluunniit pitsanngorsagassaqanngitsoq). Soorunami aaqqissuussaassutsimi annertuumi naatsorsuutigineqartutut pitsanngorsaanissamut inissaqarpoq.

 

Processer i Selvstyret

Ingerlatsinerit annertuumik pitsanngorsaaffigisariaqartutut paasineqartut immikkoortunut pingasunut avinneqarput, tassa aaqqissuussaassutsip pitsanngorsarneqarnissaa, suleriaatsip aaqqissuunneqarnissaa, imaluunniit atortorissaarutit pitsaanerusumik atorneqarnissaat tassani pineqarput. Suliaqarfiit atortorissaarutitigut imaaliinnaq allannguinissamik pisariaqartitsinngitsut ilaat pitsanngorsaaffigalugit maannakkut aallartereersinnaavugut. Aningaasaqarnermut pitsanngorsaataasinnaasutut ilippanaatillit aamma iluanaaruteqarfiusinnaasut nalilersorneqarput. Suliaqarfiit annerit pingasuusut tassaapput:

  1. Uppernarsaatip akuersissutigineqartarnerata innersuussutigineqartarneratalu pitsanngorsaaffigineqarnerat
  2. Missingersuusiornermi missingersuutinillu malitseqartitsisarnermi naleqartitsisarneq
  3. Nalimmassaanermi piffissaajaataasunik atorunnaarsitsineq

Aasaanerani sulinngiffeqarnerup kingorna sulinerup aallarteqqinnerani ingerlatseriaatsit pitsanngorsaaffigalugit iluanaarutinillu pissarsiaqartarnissaq sulissutigalugit aallartissaagut. Tamanna immikkoortortaqarfiit suliamut attuumassuteqartut peqatigalugit ataqatigiissaakkamik suliniuteqarnikkut pissaaq. ERP-p allattoqarfia maanna Namminersorlutik Oqartussat immikkoortortaqarfiinut pulaaqattaarpoq, aningaasaqarnermik ingerlatsinerup qanoq inneranik nalilersuinerullu qanoq inneranik suliaq nalunaarutiginiarlugu. Tassunga atatillugu apeqqutissaqarussi imaluunniit oqaaseqaatissaqarussi attaviginnguariartigut.


Pisortanut ilisimatitsissutit ataatsimut

APR 30 

Pisortaqarfiit peqatigiillutik Pisariillisaanermik suliniutaat, ERP, paasiniaanermini manna ima angusaqartigereerpoq akissarsiat sulisullu pillugit pisortanut ilisimatitsissutit atuisut pisariaqartitaat ataatsimut takuneqarsinnaalerlutik.

Namminersorlutik Oqartussani kommuninilu pisortat amerlaqisut ataasiakkaarlugit apersorneqareerput. Apersuinerit taakku inerneri tunngavissiipput apeqqutinik akisassanik misissuisitsinissamut, taannalu Namminersorlutik Oqartussani kommuninilu pisortanut 358-inut nassiunneqarpoq. Akissuteqartut aperineqartut 34 %-erimmatigik isumaqartoqarpoq taakku naammattumik tunngavissiisut Namminersorlutik Oqartussanut kommuninullu assigiissutitut ima inerniliinissamut:

  • Napparsimallutik suliartunngitsoortut ataatsimut paasisaqarfiginissaat pisariaqartinneqartorujussuuvoq, soorlu qanoq sivisutigisumik napparsimaneq, meeraq, sapaatip akunnerani ulloq suna, qaammammi ulloq suna il.il.
  • Akissarsiat missingersuusiornissaannut sakkussanik pisariaqartitsisoqarpoq
  • Sulisut qaqugukkut sulinngiffeqarnissaasa ataatsimut paasinissaannik pisariaqartitsisoqarpoq
  • Sulisut taakkulu akissarsiaannik ataatsimut paasissutissiinissaq pisariaqartitsisoqarpoq. Soorlu sulisut qassiunerat, ilanngaataasussat ilanngaatigereernagit akissarsiaat, immikkortortani sorlerniinneri il.il.
  • Sulisut atorfimminni qaffakkiartornerminni killiffiisa ataatsimut pasissutisiissutigineqarnissaat pisariaqartinneqarpoq
  • Sulisut nikerarnerannik kisitsisit eqqortut pisariaqartinneqarput

Taakku saniatigut Namminersorlutik Oqartussanut uku immikkut atuupput:

  • Qaangiuttoornerit/suliaqarnerunerit ataatsimut paasissutissartaat pisariaqartinneqarput
  • Missingersuutinut sanilliullugu akissarsianut atuinerup procentiata paasinissaa pisariaqartinneqarpoq

Misissuinerup takutippaa maannakkut akissarsialereriaatsip naleqqussarnissaanik pisariaqartitsisoqartoq. Tullinnguullugit suliassanngorput suliap ingerlateqqinnissaata paasiniarnissaa ataqatigiissaarnissaalu, taamalu paasillugu suliniutit suut aallartinneqassanersut.

Namminersorlutik Oqartussani kommuninilu pisortat misissuinermi peqataasimasut tamaasa qutsavigaavut.


ERP-suliniutip tusarniutigineqarnissaa kinguartinneqarpoq

okt 31

Suliap pitsaasusaa suleqatigiissitamit misissoqqinneqassaaq, taannalu novemberarip ingerlanerani pissalluni. Tusarniaanissamut ullussarititat nutaat qanittukkut nalunaarutigineqassaaq.