Isumaqatigiissummi pineqartut

Suliniummi oqaatsit amerlasuut atorpavut atuuffii malillugit assigiinngitsumik nutserneqarsinnaasut.

Allattuiffimmi uani suliniutip oqaasertaasa atornerinut nassuiaatitai aalaakkaatinniarsarivagut.  Oqaaseqaatit perusunneqartuaannarput.

  • Aquut – “styringsværktøj”. Uani aqutsinermi paasissutissiisarnerup allaaserineqarneratut atorneqarpoq ("aqutsinermi paasissutissiisarnerup" ataani nassuiaat takujuk).
  • ERP-ataqatigiimmik aaqqissuussineq – Enterprise Ressource Planning System. Ataqatigiimmik aaqqissuussineq (imaluunniit ataqatigiinnik aaqqissuussanik katersineq) suliffeqarfimmut tamarmiusumut atuuppoq, aamma tassani iluaqutissanik annerpaamik pissarsinissaq isiginiarneqarpoq.
  • Kisitsisitigut naatsorsueqqissaarneq – Nuna tamakkerlugu kisitsisit oqaluttuarisaanermut takussutissiiginnaratik aamma siunissaq pillugu oqaaseqarnissamut (pisussaasinnaasunik) atorneqarsinnaapput, taakku Kalaallit Nunaanni Naatsorsueqqissaartarfimmuunerusoq tunniunneqartarput.
  • Kisitsit pingaarnerit  – aningaasatigut, nukissatigut akiliutitigut kisitsisit aqutsinermi paasissutissiisarnermut tunngavissiaasut siammasissumik nassuiarnerat.  Kisitsisit pingaarnerit taakkuupput, tamatuma kingorna kisitsisitigut naatsorsueqqissaarutitut imaluunniit aqutsinermi paasissutissiisarnertut ilisaritissallugit pingaarnerpaat.
  • Aqutsinermi paasissutissiisarneq – tassaavoq kisitsisinik pingaarnernik aamma/imaluunniit kisitsisitigut naatsorsueqqissaarutinik ataqatigiissillugit suliarineqarsimasut.  Taakku tassaapput paasissutissat nukissatigut kiffartuussinertigullu tunngasut suugaluarpataluunniit aamma qanoq ilillutik ilisaritinneqarsimagaluarpata.  Aqutsinermi paasissutissiisarneq nalinginnaasumik nalunaarusianik aamma suligasuartussanit misissueqqissaarnernik immersorneqartarpoq.  Politikkerinut aqutsinermi paasissutissiisarneq titartagartalersorlugu ilisaritinneqarajuppoq.
  • Pisariillisaaneq – “At gøre det lettere”. Uani ERP-mi suliniummut kalaallisut taaguutaatut atorneqassaaq.
  • Nukissat – susassaqarfiit ataasiakkaat iluanni kiffartuussinermik tunniussinermut atatillugu sulisutigut aamma aningaasatigut atorsinnaasat.
  • Kiffartuussineq – kiffartuussinerit ingerlatsiviit aamma immikkoortortaqarfiit innuttaasunut tunniussinnaasaat.
  • UML – Unified Modelling Language. Suleriaatsinik ingerlatsisarnernik ilusilersuinerup iluani nalinginnaasumik oqaatsit atorneqarnerat.