Innuttaasut aamma IT

Innuttaasut annertunerujartuinnartumik IT-mik ulluinnarni atuileriartorput - aammalu digitalikkut attaveqaqatigiinneq annertunerujartuinnartumik piumaleriartorlugu.

Innuttaasut aamma IT 2018

Periuusit pillugu nalunaarusiaq

Kisitsisit


Innuttaasut aamma IT 2014

Misissuinerup kingulliup ”Kalaallit Nunaanni innuttaasut aamma IT” 2014-imeersup takutippaa ukiuni kingullerni tallimani ineriartorneq ingerlaannartoq.   

Innuttaasut IT-eqarnermik atuinerat 2010-miilli ukiut tamaasa misissuiffigineqartarpoq. 

Misissuineq kingulleq 2014-imeersoq inerniliussanik tupaallannartunik arlalinnik imaqarpoq:

  • Innuttaasut 77 %-ii angerlarsimaffimminni internettersinnaapput. 
    Ukiup ataatsip ingerlanerani amerleriaat 28 %-iulluni.
  • Pisortat ingerlatsiviisa digitalikkut attavigisinnaanissaat innuttaasut
    63 %-iisa piumanerujartorpaat. Ukiup ataatsip ingerlanerani
    amerleriaat 13 %-iulluni.
  • Innuttaasut digitalimik imminnut sullissinnaannerannik periarfissamik
    atuisut ukiup ataatsip ingerlanerani 21 %-inik amerleriaateqarput.

 

Innuttaasut aamma IT 2013

Misissuineq maaji/juuni 2013-imi ingerlanneqarpoq, oqarasuaatikkut apersuinerit atorlugit 16-it sinnerlugit ukiullit taamungaannaq toqqakkat 706-it apersorneqarlutik. 

Misissuinermi siunertarineqarpoq IT-mik ullumikkut atuinerup annertussusaata killiffissiornissaa, aammalu innuttaasut assigiinngitsut teknoligi-mik nutaaliaasumik qanoq atuinerisa misissornissaat.