Suliniutinut immikkoortortaqarfik Digitalinngortitsinermut Aqutsisoqarfimmi digitalikkut aaqqiissutit ineriartortinneqarnerini qitiusumik inissisimavoq. Suliniutinut immikkoortortaqarfimmi pisortat ataatsimoorussat qanimut suleqatigalugit nuna tamakkerlugu digitalinngortitsinermik periusissiap iluani suliniutit ingerlannissaat ineriartortinnissaallu akisussaaffigineqarput.
Siunnerfilimmik suliniutit aqunnissaat suliffiullu iluani suliniutit ingerlalluarnerisa pisortallu ataatsimoorussat nukittorsaavigineqarnissaannut immikkoortortaqarfimmiit sulissutigineqarpoq.
Suliniutinut immikkoortortaqarfiup akisussaaffigai:
- Nuna tamakkerlugu digitalinngortitsinermik periusissiami suliniutinut aqutsineq, suliniutinut anguniakkat eqquutsinneqarnissaat pisortanilu ataatsimut aaqqiissutit iluatsinnissaat qulakkeerniarlugit atuisunik akuutitsineq, pitsaassuseq allannguisoqartillugulu aqutseriaaseq qitiutillugit
- Nuna tamakkerlugu digitalinngortitsinermik periusissiami suliniutaasunilu Pisortat Digitalinngorsaanermik Aqutsisoqatigiivinit (PDA) aningaasaliiffigineqartut suliniutit tunaartaasa aqunneqarnerat
- PDA-mut allatseqarfik
- Oqartussaaffeqarfiit suliniutinut piareersimanissaasa nukittorsarneri, suliniutinut ileqqutta piginnaasattalu qaffasissusaasa ataavartumik pitsanngorsarniassagatsigit
- Pisortani Ataatsimoorussamik Suliniummut Periutsip (FOP) ineriartortinnera atuinnarsinnaaneratalu qulakkeernera
- Nunani tamalaani suleqatinik suleqateqarneq
Suliniutinut immikkoortortaqarfimmi suliniutinut aqutsisuusut allat suliniutaannut aqutsineq ajorput, oqartussaaffeqarfinnulli siunnersuinissaminnut neqeroortarput, ukununnga tunngatillugu:
- Digitalinngortitsineq digitalikkullu allanngortitsineq qitiutillugit suliniutinik aqutsineq
- PDA
- FOP