Ullutsinni qarasaasiaqarnikkut aaqqiissutit kiisalu ikiuinerit aqqutigalugit, Kalaallit Nunaanni qitiusumik allaffeqarfiup pisariillisagaanissaa qulakkeerniarlugu, Qarasaasiaqarnermut Immikkoortortaqarfik qitiusumik inissisimavoq.
Qarasaasiaqarnikkut attaveqaasersuutit ulluinnarni ingerlanneqarnerat immikkoortortaqarfimmit isumagineqarpoq, aamma sulisunut oqartussaaffeqarfinnullu teknikkikkut ikiuisarneq isumagineqarluni. Qarasaasiaqarnermut Immikkoortortaqarfiup atortorissaarutit, attaveqaatit atuisunillu ingerlatsineq aqqutigalugit, suliffeqarfik digitaliusoq patajaatsoq isumannaatsorlu qulakkeerpaa.
Namminersorlutik Oqartussat qitiusumik allaffeqarfianut kiffartuussinerit makkua Qarasaasiaqarnermut Immikkoortortaqarfimmiit neqeroorutigineqartarput:
- Atuisunut atortorissaarutinullu tunngatillugu ikiuineq
- Atortorissaarutinik soorlu F2, Microsoft Teams, Outlook, sulinermilu atortorissaarutinik assigusunik tunniussinerit ajoqutaannillu iluarsiiniarnerit
- Softwaret ajunngitsumik ingerlanerisa qulakkeerneri, atortorissaarutit nutartertarnissaat nalinginnaasumillu teknikkikkut ikiuinerit eqqarsaatigalugit
- Sulinermi atortorissaarutinik ikkussuinikkut aserfallatsaaliuinikkullu atuisunut ikiuineq
- Atortorissaarutinik aqutsineq ingerlatsinerlu
- Qitiusumik allaffiup attaveqaataannik serveriannillu ataavartumik ingerlatsineq qulakkeerniarlugu nakkutiginninneq, kiisalu attaveqaatit serverillu cyberikkut ajortumeeriniarnut illersorniarlugit nutarterisarnerit allatigullu iliuuseqartarnerit
- Atuisutut pilersitsinerit, atuisut isertaataasa aqunneri, kiisalu backupit sillimaniarnermullu politikkit atorlugit paasissutissat isumannaarneqarneri
- Atortorissaarutinik nutaanik atuutilersitsineq, kiisalu sulinerup ingerlanera pitsaanerpaamiitinniarlugu qarasaasiaqarnikkut aaqqiissutinik atulersitsineq
- Siunnersuineq ineriartortitsinerlu
- Teknologiikkut aaqqiissutit sulinermi iluaqutaasinnaasut pillugit immikkoortortaqarfinnik oqartussaaffeqarfinnillu siunnersuineq
- Digitalikkut attaveqaasersuutit suliffeqarfiup pisariaqartitaanut siunissamilu ineriartornissaanut iluaqutaasut qulakkeerniarlugit ataavartumik qarasaasiaqarnikkut periusissiorneq
Paasissutissat allat
Immikkoortortaqarfimmi aamma qarasaasiaqarnikkut aaqqiissutit atorneqartut sunniuteqarluarnissaat, isumannaatsuunissaat atuisunullu atoruminartuunissaat qulakkeerinneqataapput. Qitiusumik allaffeqarfimmi tamani qarasaasiaqarnikkut ingerlatsineq eqaatsumik pissasoq qulakkeerniarlugu Qarasaasiaqarnermut Immikkoortortaqarfiup immikkoortortaqarfiit allat qanimut suleqatigisarpai.