airplanebooksbriefcase business cogs cross election entertainment fish house law lockmedicalpeopleselfservices socialtax

sullissivik.gl

sullissivik.gl tassaavoq oqartussat ataatsimoorussamik Nunatsinni innuttaasunut suliffeqarfiutilinnullu nittartagaat, pisortat paasissutissataannik atuuttunik imminullu sullississutaataannikimalik.
Digitalinngortitsinermut Aqutsisoqarfik sullissivik.gl-imut teknikkikkut akisussaasuuvoq, imarisaanulli akisussaasuunani. Taamaattumik innuttaasut suliffeqarfiilluunniit saaffiginnissutaannut oqartussaaffeqarfik sinnerlugu Digitalinngortitsinermut Aqutsisoqarfik akissuteqarsinnaanngilaq. Innuttaasut suliffeqarfiillu sullissivik.gl-imi imarisat pillugit imaluunniit imminut sullississutit pillugit apeqqutissaqarunik, najukkaminni innuttaasunut sullissivimmut imaluunniit suliamut suliarinnittussanut saaffiginnittassapput.

Innuttaasunut

Pisortaniit  paasissutissat pingaarutillit qaqugukkulluunniit sullissivik.gl-imi pissarsiarisinnaavatit. Paasissutissat atuarneqarsinnaasut saniatigut, imminut sullississutit assigiinngitsut pisortani oqartussaniit neqeroorutigineqartut atorsinnaavatit.

Innuttaasunut sullissivik.gl maana iserfigineqarsinnaavoq.

Suliffeqarfinnut

Pisortaniit paasissutissat pingaarutillit qaqugukkulluunniit sullissivik.gl-imi pissarsiarisinnaavatit. Paasissutissat atuarneqarsinnaasut saniatigut, imminut sullississutit  assigiinngitsut pisortani oqartussaniit neqeroorutigineqartut atorsinnaavatit.

Suliffeqarfinnut sullissivik.gl s maana iserfigineqarsinnaavoq.

Oqartussanut
Sullissivik.gl nittartagaavoq pisortani oqartussaasut, matumani kommunit, Namminersorlutik Oqartussat kiisalu suliffeqarfiit pisortanit pigineqartut tamarmik  sullissivik.gl-imi innuttaasunut suliffeqarfinnullu paasissutissaateqarlutillu imminut sullississutaateqarsinnaapput. 

Oqartussaqarfiit imarisanik piginnittuupput, nittartagarlu atorlugu innuttaasunut suliffeqarfinnullu sunniuteqarluartumik attaveqarsinnaallutik.

Sullissivik.gl-imi imminut sullississutit atorlugit, innuttaasut suliffeqarfiillu ulloq unnuarlu kiffartuussissutinut isersinnaapput, taamaasilluni ornigulluni saaffiginninnissamut pisariaqartitsinerit annikillisinneqarput. 

Paasissutissat paasiuminartuunissaat qulakkeerniarlugu, oqartussat sullissivik.gl-imut imarisanik allannerminni immersugassat atortarpaat, malittarisassallu aalajangersimasut malillugit, tamatumunnga ilanngullugu allaaserinninnermi malittarisassat . Taamaasilluni oqartussat imarisat tamarmik assigiimmik sannaqarnissaat, assigiissaarineq assigiiaamillu iluseqartitsineq qularnaassavaat, tamannalu atuisumut atoruminarlunilu paasiuminartuussaaq, innuttaasorlu taamaasilluni sullilluarneqarnera anguneqassalluni. 
Oqartussat sullissivik.gl-imi imarisatimaluunniit imminut sullississutit pillugit paasisaqarnerorusuttut ilitsersuutit malittarisassallu pissarsiarisinnaavaat uani.

Attavissaq

Innuttaasut oqartussaaffeqarfimmut sullissivik.gl-imi paasissutissaateqartumut attuumassuteqartumut saaffiginneqquneqarput.

Oqartussat uunga attaveqarsinnaapput sullissivik@sullissivik.gl. 
Una atuarsinnaavat qulequttat suut saaffiginnissutigineqarsinnaanersut.

Attaveqarfissaq

Digitalinngortitsinermut Aqutsisoqarfik Postboks 1078 Imaneq 4 3900 Nuuk E-mail digitalisering@nanoq.gl Oqarasuaat (+299) 34 50 00 CVR: 39350610 GLN: 5790001952563

Nittartakkap avataani iserfissat

Qarasaasianni paasissutissat ilaat atoqqissinnaajumallugit quppernermi matumani cookie't atorneqartarput.Akueriuk annertunerusumilluunniit uani paasisaqarit.