NemId

NemID tassaavoq digitalimik atsiorneq

- elektroniskimik atsiorneq, paasissutissanik isertuussassanik mianerisariaqartunillu internettikkut nassitsininni isumannaatsuutitsisoq. NemID-mik periaaseq ataaseq atorneqassaaq, netbankikkut akiligassannik akiliiniaruit, kommunemut nuunnerit nalunaarutiginiarukku imaluunniit Akileraartarnermut Aqutsisoqarfiup nittartagaatigut nammineerluni nalunaarsuut aaniarukku  apeqqutaatinnagu. 


NemID 2012-imi atuutilersinneqarpoq, NemID-imillu atuininni atuisutut ilisarnaat ataaseq tamatigut atortassavat
- aamma isissutissaq ataaseq netbankinnut, pisortat nittartagaannut aamma internettimi nammineerluni kiffartuussissutinut arlalissuarnut. Tamanna ilinnut pisariinnerulersitsivoq, aamma pisortat sullissiviini sullissineq pitsaanerulersinneqarluni, ilutigitillugulu pisariillisaaneq annertusarneqarluni.

Illit digitalimik atsiornerit
Atsiornerput nalinginnaasumik pappialamut allattarparput, kinaassutsitsinnut uppernarsaatitut. Pappialamiit digitalimik attaveqaqatigiinnermut pigutta aqerluusaq atorlugu atsiorsinnaajunnaassaagut. Taarsiullugu digitalimik atsiortariaqarpugut. Digitalimik atsiornerit pappialamut atsiornittulli pituttuivoq.

Isissutissat
NemID-mut iseruit atuisutut ilisarnaatippit aamma isissutissappit saniatigut matuersaatinut korti atussavat. Tamanna isumannaallisaanermik annertunerulersitsivoq, iserniarneq eqqaamasannik – atuisutut ilisarnaatinnik aamma isissutissannik – aamma tigummiannik matuersaatinut kortinnik atorfissaqartitsiviummat.

Matuersaatinut korti, peqinneqarsinnaalluni akiliutitut angissusilik, 148-nik ataasiaannarlugit atugassanik isissutissanik naqinneqarpoq, tamarmik ataasiaannarlutik atorneqarsinnaallutik. Systemip kortimit isissutissat arlaat qinnutigisarpaa, ilutigitillugulu nakkutigisarlugu matuersaatit isissutissat qassit sinnerineritit. Matuersaativit tamarmik atunnginnerini piffissaalluartillugu matuersaatinut kortimik nutaamik nassinneqassaatit. 

Qarasaasianit amerlanerpaanit, smartphonenit aamma tabletinit
NemID qarasaasiamut ikkunneqartussaanngilaq, taamaattumillu NemID qarasaasianit allanit illit piginngisannit ajornaatsunnguamik atorsinnaavat. Assersuutigalugu ilaquttavit arlaata qarasaasiaa atorsinnaavat, atuakkanik atorniartarfiup qarasaasiaa atorlugu – imaluunniit nunani allani internettertarfimmi qarasaasiaq atorsinnaallugu. Taamaallaat atuisutut ilisarnaatit aamma isissutissat kiisalu matuersaatinut korti nassassallugu eqqaamassavatit.

NemID-mik ima pissarsissaatit
NemID-mik pissarsereersimanngikkuit, assersuutigalugu aningaaseriviit aqqutigalugu www.nemid.nu  aqqutigalugu NemID-mik inniminniisinnaavutit, imaluunniit nammineerlutit innuttaasunik sullissivimmut saaffiginnillutit.

NemID-p nittartagaa alakkarteruk

Pisut

Digitalimik Sullissinermut Aqutsisoqarfik pineqartumi oqartussaavoq, ilaatigullu kommunet NemID-mik allaffissornikkut suliaqarneranni ikiorlugit. 

NemID sunaava?